મારા વિષે

જળકમળ છાંડી જાને બાળા, સ્વામી અમારો જાગશે
જાગશે તને મારશે મને બાળ હત્યા લાગશે … 1

આમ જોવા જઈયે તો આ કવિતા થી મને ગુજરાતી નો સાહિત્ય પરીચય થયો ગણાય . કવિતાઓ અને સંગીત પ્રત્યે મને પહેલેથીજ લગાવ હતો. મારું મોસાળ રાજકોટ ,એટલે નાની હતી ત્યારે રજાઓમાં વારંવાર જવાનું થતું. અને આજુબાજુના ગામમાં ફરતા, સુરન્દ્રનગર પાસે ટ્રેનમા નાના છોકરાઓ લોકગીત ગાતા , ત્યારે સાંભળેલા ગીતો આજે સાંભરે છે.નવરાત્રીમાં ગરબા રમવા જાતી અને દિવાળીબેનને સાભળેલા એ અવાજ હજી પણ કાનમાં ગુંજે છે, અહિંયા અમેરીકા માં આવી ને વસ્યા પછી કદાચ માતૃભાષનુ મહત્વ અને મીઠાશ વઘારે સમજાઈ છે, ગુજરાતી લોકસંગીત પ્રત્યે પ્રેમભાવ અને એના પ્રત્યે વધુ ધ્યાન  આકર્ષણ થયું. પરદેશમાં  આપણી માતૃભાષા વીસરાય ન જાય , અને ગુજરાતી સાહિત્ય ,લોક સંગીત, લોકો સુધી પહોંચે ,એજ ભાવના એજ હેતુ થી …

ગુજરાતી સાહિત્યને લગતો બ્લોગ છે.અહિં તમામ પ્રકારની વાંચનક્ષમ સામગ્રી મુકવામાં આવી છે.આ બ્લોગમાં જ્યાં-જ્યાંથી સારું લાગ્યું તે લઇને મુક્યુ છે.અહિં મુકાયેલી સામગ્રીના હક્કો જે તે લેખકના પોતાના છે.ગુજરાતી સાહિત્યને વિશ્વને ખોળે મુકવાની ઘેલછા સાથે……… બ્લોગ હજુ સંપુર્ણ નથી અને એને અપડેટ કરવાની કોશિશ કરી રહી છું.કોઈ જગ્યાએ, કોઈ કારણથી, જાણ્યે-અજાણ્યે કોઈના કોપીરાઈટનો ભંગ થયેલો જણાય, તો મને તુરત જાણ કરશો [ E-mail : pragnad@gmail.com] તો એને બનતી ત્વરાએ સુધારવાનો કે દૂર કરવાનો પ્રયાસ કરીશ.